一直听讲厦门、鼓浪屿系个好宜人舒适嘅旅游好地方，终于响廉价机票诱惑下开始自由行。

一）交通

1）机票：去哪买的打折机票，来回程加埋机场税、燃油附加不到700大洋。咁嘅价格，换取嘅代价系超简易飞机餐——一包一水。不过就50分钟飞行时间，都无咩所谓。

2）机场至市中心：机场快线（出门口右手边），10蚊一位，直达火车站或轮渡。半小时或人满即走，非常方便。的士（出门口即有），起步价8蚊，后面2蚊/公里，超出8公里按3元/公里收费，夜间23点过后为加20[%]服务费。特别推荐公交机场快线（出门左手边嘅公交站），全程1蚊，半个钟一班车，BRT总站第一码头开出，中间有几个停靠站，约半小时可到机场。当然中可以选择普通公交车，站点比较多。

3）市中心：普通公交车1蚊，好似无空调嘅车比较多。BRT线相当于广州内环路，全程高架，没有红绿灯，都系1蚊龟。中有相应几条L开头的BRT接驳线，只需5毫。坐车基本唔使烦。鼓浪屿渡轮。响轮渡码头坐，就过海的，入岛免费，出岛要8蚊，晚上10点过去系4蚊。从5点半到晚上12点都有船，过海就5分钟左右，好快好快。中有几条观光游线路。快艇都唔贵，60蚊一小艇，最多佐6人，即走。轮渡码头旁边就有行李存放点。市区内，的士上落班时间劲难打车，司机都绝载经过晒车路段嘅乘客。我就试过唔跳表嘅路程，居然要比20蚊，司机先至好勉强咁叫我上车。总的交通都几方便，对啦，机场就有厦门的免费手绘地图。呢副野罗黎参考下就好，唔好当真，比例尺严重失调。4日里面因为呢副野中过几次招，行左超多冤枉路。

二）住宿

厦门市内，住宿都好多。多数人都偏向靠近轮渡、厦大、中山路呢一带。偶住嘅系思明南路7天，180双人房，因为住3楼，只可以见到一线，真系一线咁多嘅海景。听闻后面山上系ＸＸＸ，不过已经搬走，唔讲真系Feel唔到，除佐附近街有几档买“纸”嘅地方。

鼓浪屿民宿。网上有好多，4月底就订青年旅馆，点知已经无房。最后订的系船屋，可惜系大床房，百六蚊。船屋响远离众多景点嘅另一边，比较安静，早上可以训到自然醒，唔使担心比游客吵到。老别野装修得好小资，老板都好热情，早上有简单嘅早餐提供。比较麻烦就系无独立洗手间、房间比较细。住鼓浪屿纯属系感受下个feel，住宿性价比远不及厦门市内。

三）美食：每一次出去，都要食D好野。今次都唔少，不过《命中》嘅姜母鸭无食到，呜呜。下次边个去，打包只比我哇！土笋冻，啫喱咁抱住沙虫，实在无勇气食。乌糖沙茶面：沙茶酱底嘅汤，外加拉面。各种海鲜配料任选，小小辣辣的，够特别。

花生汤：当然系黄则和啦。花生煲得好透，几乎入口即溶，2蚊一小碗，好甜。

海蛎煎：因为《转角遇到爱》，点到要试试啦。可惜我唔中意韭菜，唔系都唔错。

海鲜：小眼镜打拍档，6点多D去到，罗到的号码系63号，太夸张的啦。点了好多东西，外加芒果汁、而家林起都留口水。而且好实在，两个人，先用佐百一蚊。之后又去了开元141，一样好味道到无朋友。大排档忍身于市场附近。由于比人老点，行错路，去到已经下午2点，就3桌人。面对老街行食饭，听住雨声，真文艺。如果多人，环境就会好差。

升官发财板：台湾咁出名嘅，当然要试试啦。其实就系炸面包，里面再放有好多配料嘅浓汤，都几特别。不过个名就…大同鸭肉粥：已经煮好嘅鸭肉西芹粥，再外加各种喜欢嘅配料，鸭各种内脏、鸭各个部位，好香好香咯。

烧仙草：八婆婆嘅果然名不虚传，烧仙草加蜂蜜水、花生、芋圆、椰果，还有一种黄黄，类似芋圆，但系好爽嘅东东，消暑解渴，比珍珠奶茶正百倍。中有仙草南路的，呢家比较创新，可以另外加雪糕、布丁、水果、鲜果汁等，杯子好有爱，火炬型嘎。

煎五香：类似春卷，里面有冬菇、估计有鱼肉。中有D肥猪肉口感嘅野，麻麻哋。白灼章鱼：放在冰箱内，比较爽口。食嘅时候加了醋和辣椒，偶唔系太感冒斯利美芒果冰：其实系沙冰，沙冰里面有炼奶，好香甜，配上新鲜芒果，好大好大一盘，3个人吃够啦。

还有鼓浪屿上嘅张三疯的招牌奶茶、潘小莲芒果酸奶、黄胜记的肉铺、原巷口的鲨鱼丸、叶氏麻糍。唔写唔知道，原来食左咁多野。肥美嘅海鲜，自由嘅选择搭配、真材实料，必备嘅醋，几乎系呢边每餐同有哋特色。四）靓景：厦大：充满欧陆风情嘅大学，干净安静，为啥当时无人考厦大呀？

白城沙滩+环岛路：白城就响厦大校门外。早上去到，刚好落住小雨，沙滩上异常少人。漫步其中木栈道，吹吹海风，听住海浪拍打岩石嘅声音，不时传黎小鸟吱吱喳喳声，雨水滴落雨伞上滴滴答答声，脚下踩踏木地板嘅响声，形成天然的交响乐。时不时，见到小情侣手拖手行过，太浪漫啦吧！！！环岛路很长，好适合慢慢散步。网上好多人话踩单车好。可惜单车唔可以上木栈道，黎海有一段距离。而且上落坡路都唔少，租车同还车都响胡里山一带，无翻咁上下体力，真系唔得。

南普陀寺：厦大正门右手边，免费，可以上山。寺内有免费的香可以罗，适量捐D香油钱就好。据说斋堂出品唔错。

中山路：类似广州嘅北京路、上下九。消费同广州差唔多，不过屈银纸嘅野比广州稍贵几蚊。有好多好多手信店，不过比鼓浪屿内贵一倍。有黄则和等著名食店，条食街好短，无咩好食的。纯粹行行就好，两边都建筑可以睇睇。系啦，呢度居然有两家巴黎春天咯

南靖：报名了土楼+塔下村一日游。由于系散客团，先有小巴到各酒店接人，之后换大巴，在之后因为山路崎岖，再换一次景区小巴。从7点3个字响酒店上车，到食饭点已经系中午12点。之后景区车坐了10几分钟，真系PatPat都痛。山路够崎岖，明显感觉到落雨会山泥倾泻。景区司机车技无得弹，简直出神入化。我去的是田螺沟土楼，系福建土楼嘅标志。不过只能从上下方远观。之后去裕昌楼，可以入楼，唔可以上楼。栋楼有成700几年嘅历史，因为风水关系，支柱都系斜嘅，最多斜度系15度。在楼内大叫一声“小刘”会有好多人应，因为楼内住嘅都姓刘。俺们导游叫我哋叫佢“小文刀”。之后，又坐车，去到塔下村。村依山傍水，一条小河贯穿全村，村内嘅土楼有出租住宿的，有机会可自由行。土楼确实奇特，虽然来回坐佐成7/8个钟车，不过依然觉得值。如果想上土楼，可以去承启楼。呢个系唯一可以上楼的土楼，亦系最大嘅土楼，就系当年胡叔叔上去果座咯！

鼓浪屿：一个令你放慢脚步嘅地方，最好嘅游览时间系清晨同傍晚。当团队游客离开小岛，可以享受城市难得嘅宁静。蜿蜒小路，不时略过红砖矮墙。每一个定格都构成独一无二嘅画面。古老嘅欧式建筑，大多按原风格保留。虽然感觉和沙面相似，不过会发现呢到并有没强加嘅添衣戴帽，有嘅只系点缀。一砖一瓦都有住浓厚嘅历史韵味。龙头路汇聚各路文艺小资咖啡馆、美食铺。一路就可以吃个饱。当然亦少唔到身穿各式花长裙、超短裙嘅美女或性感或可爱嘅身影。鼓浪屿上有5个联票嘅点，日光岩、刻字馆、风琴馆、皓月园、菽庄花园。网上订票大概85到90之间，可以省10几蚊。值得买票嘅就系日光岩。其他其实无咩睇。日光岩系岛上最高点，可以俯瞰整个鼓浪屿，以及对海嘅厦门，应该系个睇日出唔错嘅地方。鼓浪屿就系甘样一个地方，唔适合走马观花，而要慢慢品味。