国庆第五日，因为之前睇到人哋噶游记d相以为周边游会无乜人，所以嗌咗“专职司机”搭上妈子一行3人嚟次自驾游，首先锁定小洲村为首站，点知如意算盘打错咗...人多到5会话因为路窄而逼到会跌落邋遢沟，但至少係为数不多噶小食午餐档明显感受到人多噶害处...痛苦呢

先嚟报报自驾游噶注意事项：听从老妈子噶指示去咗小洲村隔离噶土华村睇睇先，所以我哋行噶係百度地图显示噶最快路程，兜新滘路去，途中会经过海珠湖同埋呢个预约会雷死大家噶海珠湿地，过咗海珠湿地就要注意啦各位司机大佬，记得係华快底转右，个路口真係好阴湿噶，一5留神就会好似我哋咁都多次海珠湖门口同海珠湿地门口噶啦（或者兜多好多次，视个人注意力而定）...转入噶路叫华洲路，但无大安旨意按百度讲噶见到咩咩超市转入瀛洲路喔，更要小心行到某处噶3叉路嗰阵无见个路牌指住话行右边去到喔（如果係去大学城就另计）！而係可以林下点解行嗰边噶公交车都5听路牌指呢？无错，因为按路牌行会行到无路行！所以可以跟住公交行噶，特别有部45路总站就係停係小洲村礼堂（5知会5会对外开放）出嚟噶路口对面噶烂地噶，咁係上策，不过由于路窄公交5少又大部，来去噶货车or自驾车都5少，所以嗰条路会间歇性不定时塞下车，所以未达到上上策噶标准^^其实按路牌5係去5到噶，不过要係过大学城嗰个方向but5上桥，即见到桥底就左转，跟住一直开过一个咩樱庄园（？）同埋土华村噶牌坊到河边就见左手边有好多摆地摊，行入去就係噶啦，不过车就都係停路边，呢个入口就痴住瀛洲生态公园，行过桥就係简氏宗祠噶广场...

係米好可爱呢，呢对好似係幕南简公祠入面噶摆设~

发现呢度好多简公祠、蚝壳屋、明代古井不同分布，又有星罗棋布噶小摆设店or咖啡店or两者噶合体...午餐我哋係帮衬咗龙船饭，佢噶上菜逻辑有d不可思议，无论客人点几多嘢，佢都要等埋一个盘一齐先会上，好难得等到位，坐低买筹就等咗大半个钟先有得吃，可怜噶胃~所以大家最好买咗筹先等位吧...龙船饭噶饭质5错，想试试南瓜饼but沽清...

叫做全部兜咗一圈去攞翻部路边停车，有d失望而归，一係想象中噶人少清净做5到，二係古村落噶氛围都俾新铺头搞到5中5西咁，而且条小沟去到边都臭...

之后就係兜上桥过大学城再驳过长洲，发现5知自己去边先啱，跌跌撞撞去到辛亥革命噶纪念馆，除内容同市区噶博物馆无乜两样，除咗有d爱国主义噶教育，更多觉得自己晒时间...黄埔军校又去过两次，所以5係考虑范围...离开噶路上，有好多阿婆师奶摆地摊卖蔬果，捧咗两大只靓木瓜同两只杨桃（即食发现5係想象中甜），都叫咗5係空手而回...

再去黄埔古港就兜官洲仑头嗰条隧道嚕，途中噶指示牌虽5係明标都叫咗搵得几顺利，虽然个入口又係几窄下...兜到又係无路都未得闲睇下再点行就有人队张定额发票10蚊（以我经验一睇就知张发票係假噶）叫你交停车费，一副5交5话你知点行咁，而且之后有无位停就无有理咁，黑吖~

落咗车，行到电视节目介绍嗰个镜头嗰度，点知都係5开门...今日噶闭门羹都吃得几饱...未到晚餐时间所以兜咗去码头呢边间奶婆姜撞奶吃招牌甜品，真係无得顶~

尼玛个人多啊~无留意我睇后面墙噶横额就得~等d姜撞奶真係要听话啱撞完无搞等两分钟就会自己凝结成姜汁豆腐花噶啦~

晚餐被当地附近住噶人指咗去搭村民自己搞噶船（一次一蚊一个人仲贵过珠江噶轮渡）过对面吃鹅...闻说係即点即做，所以上菜速度又係奇慢，又要胃仔等咗半个钟，难怪会有免费麻将打（好多人话输晒都未有得吃喔，慢到点只有自己知啰）...

差唔多晚黑八点，饱饱~行去攞车之前仲买到好好味噶花生糖，又发现有第二间奶婆...启程回家...